Rydyn ni'n creu partneriaethau â rhywdwaith amrywiol o fudiadau sydd wedi ymrwymo i dyfu clybiau codio yn rhad ac am ddim ym mhedwar ban y byd.
Rydyn ni'n gweithio gyda mudiadau partner ym mhedwar ban y byd i ddarparu Code Club i bobl ifanc yn eu rhanbarthau. Rydyn ni'n gweithio gyda'n gilydd drwy gyfuno arbenigedd a rhwydweithiau lleol partneriaid â'n cynnwys, ein hyfforddiant a'n cymorth.
Mudiadau nid-er-elw dan arweiniad gwirfoddolwyr yw'r rhan fwyaf o'n partneriaid, gyda'r gallu i dyfu a chynyddu rhwydwaith o glybiau.
Rydyn ni'n cefnogi Partneriaid Deori i sefydlu clybiau yn eu cymuned neu ranbarth lleol. Mae'r rhaglen Deori yn rhedeg am 12mis, ac mae pob Partner Byd-eang yn dechrau fel Partner Deori.
Mae Partneriaid Twf yn canolbwyntio ar gefnogi twf eu rhwydwaith Code Club yn eu cymuned neu ranbarth lleol. Maen nhw'n dechrau gydag o leiaf 10 clwb, a byddan nhw'n gweithio i dyfu a chyrraedd hyd at 100 o glybiau.
Mae Partneriaid Cenedlaethol yn cefnogi'r holl glybiau a'r mentoriaid yn eu gwlad. Mae ganddynt y capasiti a'r uchelgais i weithio a thyfu'r rhwydwaith o glybiau ar hyd a lled y wlad.
Mae ein partneriaid yn cefnogi rhwng 10 a mwy na 1000 o glybiau, gan weithio gyda'u cymunedau i ddarparu mannau yn rhad ac am ddim i bobl ifanc gael dysgu sut mae codio a gwaith creu digidol. Mudiadau nid-er-elw dan arweiniad gwirfoddolwyr yw'r rhan fwyaf o'n partneriaid, gyda'r gallu i dyfu a chynyddu rhwydwaith o glybiau.
